شو يعني الاوبن سورس؟ و شو بتفيد بحياتنا بكرا بسوريا؟

يعني شو اوبن سورس و البرمجيات الحرة؟ و هل فعلاً هي شي متعلق بس بالبرمجة؟
هي فلسفة قديمة ظهرت بالعام 1983 كان اسمها وقتها البرمجيات الحرة 🙂 و تطورت ليصير اسمها المصادر المفتوحة..
تقوم الفكرة على انو مثلاً انا مبرمج اسست برنامج معين , شغلة هاد البرنامج يقرأ ملفات الـ PDF مثلاً , بعد ماخلصت البرمجة تبعو , نزلت الشيفرة الاساسية الي تعبت بكتابتها , نزلتها كلها مجانية على النت..
اجا شخص تاني , قرأ الشيفرة و طورها و صار البرنامج يقرأ ملفات الـ Word كمان !!
اجا شخص تالت اخد النسخة السابقة و خلاها تقرأ ملفات على Word + PDF بس على الموبايل هالمرة , و استمر المشروع من ايد مبرمج لمبرمج ثاني و يتطور و يتطور…
المفهوم ما بقى محصور بالبرمجيات
صار بالمشاريع الهندسية الكهربائية , الالكترونية , المعمارية , كلشي , حتى الثقافية , صار في كتب كاملة مكتوبة من قبل مجموعة اشخاص , الويكيبيديا هي مشروع اوبن سورس كمان ع فكرة 🙂


صارت المصادر المفتوحة ثقافة اكتر ماتكون فكرة..
هي ثقافة ضد الاحتكار.. ثقافة نشر الوعي و المعرفة , ثقافة الحرية بحق المعرفة , و ثقافة الحرية بتحديد الغرض و الهدف من المشروع..
من هالمشاريع العظيمة الي فيني اذكرها
الويكي بيديا
اللينكس
الاندرويد
و كتير مشاريع كمان 🙂 ها لبرامج العملاقة اشترك فيها كتير مبرمجين من حول العالم ليخلوها حرة و مجانية..
فينا بكرا نحكم بلدنا بهالشي , لما كل حدا يشارك المعرفة الخاصة فيه مع غيرو , و يجي كل شخص ياخد هالمعرفة , و يزيد عليها النقص , او يترجمها من العربي للكردي , او من الكردي للانكليزي او من الانكليزي للاشوري .. و نعلم بعض و نستفيد من بعض..
^_^ وطائفتي اوبن سورسي

Share

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.